اوڑی میں درندازی: ایک درنداز ہلاک، چار فوجی زخمی

شمالی کشمیر کے ضلع بارہمولہ کے اوڑی علاقے میں لائن آف کنٹرول پر فوج نے دراندازی کو ناکام بناتے ہوئے ایک عدم شناخت دراندازی کو ہلاک کیا ہے۔ جھڑپ میں چار فوجی اہکار بھی زخمی ہوئے ہیں۔

پولیس ذرائع کے مطابق اوڑی کے گوہالن علاقے کے لائن آف کنٹرول پر فوج اور دراندازوں کے ایک تازہ جھڑپ میں ایک درانداز ہلاک جب کہ چار فوجی اہلکار زخمی ہوئے ہیں۔

سرکاری ذرائع نے بتایا کہ ایک سرچ پارٹی نے علاقے میں دراندازوں کی نقل و حرکت دیکھی، جس کے بعد فوج نے سرچ آپریشن شروع کیا۔ فائرنگ کے تبادلے میں ایک درانداز ہلاک، جب کہ چار فوجی زخمی ہوئے ہیں۔

ایک پولیس آفیسر نے بتایا کہ فوج نے عدم شناخت جنگجوؤں کی لاش کو پولیس کے سپرد کیا ہے۔ وہیں فوج کے مطابق درانداز سے ایک اے کے 47 رائفل اور چار میگزین بھی ضبط کئے گئے ہیں۔

واضح رہے کہ اوڑی کنٹرول لائن پر گزشتہ دس روز سے فوج کی جانب سے سرچ آپریشن جاری ہے۔ اس سے قابل 23 ستمبر کو فوج نے اوڑی کے رامپور سیکٹر میں ہتھلنگا نامی گاؤں کے نزدیک کنٹرول لائن پر تین دراندازوں کو ہلاک کیا تھا۔ ان کے قبضے سے بھاری مقدار میں ہتھیار بھی ضبط کئے ہیں۔