سوپور میں حسینی ادبی مشاعرہ کا انعقاد

شمالی کشمیر کے سب ضلع سوپور کے ہائی گام میں شہباز ادبی فورم کی جانب سے ایک روزہ حسینی مشاعرہ کا انعقاد کیا گیا ہے۔

ضلع بارہمولہ کے سوپور کے ہائی گام علاقے میں شاداب ادبی فورم اندرگام پٹن کی طرف سے ایک حسینی ادبی مشاعرہ کا انعقاد کیا گیا ہے۔ اجلاس کی صدارت نامور ادیب عبدالخالق شمس نے کی۔

مجلس کے مہمانِ خصوصی وادی کے نامور ادیب رشید کانسپوری تھے۔ جب کہ ایوان صدارت میں عاشق ادیب اور ڈاکٹر محمد اشرف ابرار بھی شامل رہے۔

پروگرام کی نظامت اشرف ساحل نے انجام دی۔ مجلس میں غلام محمد، عادل منظور، منتظر ہیگامی، شبنم رخسار، صابر حمید اور دوسرے شعراء نے واقعۂ کربلا اور امام حسینؓ کی سیرت پر روشنی ڈالی ہے۔

اجلاس میں مقررین نے حضرت امام حسینؓ کو اشعار کے ذریعے خراج عقیدت پیش کیا۔