شمالی کشمیر کے ضلع بارہمولہ کی تحصیل ہیڈ کوارٹر سوپور کی فروٹ منڈی میں فروٹ گروورس نے بیاریس ایسوسی ایشن الیکشن کمیشن کے خلاف جم کر نعرہ بازی کی۔ احتجاجیوں نے میڈیا کے نمائندوں سے بات کرتے ہوئے بتایا کہ سابق صدر کا وقت ایک سال پہلے ختم ہوا ہے لیکن بد قسمتی کی وجہ سے وہ ابھی بھی اس کرسی پر برقرار ہے۔
سوپورفروٹ منڈی میں بییرس الیکشن بورڈ کے خلاف فروٹ گروورس کا زبردست احتجاج
انہوں نے کہا جب "آج ہم نے جب اس حوالے سے الیکشن کمیشن بیریس یونین کے چیرمین کے ساتھ رابطہ قائم کیا تو انہوں نے صاف طور پر اس بات سے انکار کیا ۔جس کی وجہ سے ہم احتجاج کرنے پر مضبور ہوئے۔
انہوں نے مزید بتایا کہ الیکشن کمیشن بیریس یونین نے ایک ووٹر لسٹ تیار کیا جو بالکل غلط ہے اور جو یہاں پر کام کررہے ہیں ان کا نام ووٹر لسٹ میں موجود ہی نہیں ہے اور جو لوگ کام نہیں کررہے ہیں وہ لسٹ میں موجود ہے۔
