'عوامی اتحاد پارٹی لوگوں کی صحیح ترجمانی کرتی ہے'

عوامی اتحاد پارٹی کے سربراہ انجینئر رشید نے کہا کہ مسئلہ کشمیر کے حل سے متعلق بحث و مباحثے اور مثبت مشورے دینے کے لیے ان کی پارٹی کے دروازے ہمیشہ کھلے ہیں۔

سرینگر کے کئی سماجی و سابق اعلیٰ افسران نے آج انجینئر رشید کی پارٹی میں شرکت کی۔
انجیئنر رشید نے پارٹی میں شرکت کرنے کے لیے لوگوں کا خیر مقدم کرتے ہوئے کہا کہ ان کی پارٹی میں ہر ایک کے لیے جگہ ہے۔

انہوں نے کہا کہ عوامی اتحاد ریاست کی واحد پارٹی ہے جو لوگوں کی صحیح ترجمانی کرتی ہے اور مسئلہ کشمیر کا حل چاہتے ہیں۔
انجینئر رشید نے لوگوں سے اپیل کی کہ وہ آنے والے اسمبلی انتخابات میں حصہ لیں اور ان کی پارٹی کے حق میں ووٹ دیں۔