بارہمولہ قصبہ کے دیوان باغ علاقے میں پینے کے پانی کی شدید قلت کو لیکر منگل کو مقامی آبادی نے محکمہ جل شکتی اور انتظامیہ کے خلاف احتجاج کیا۔
احتجاج کر رہے لوگوں کا کہنا تھا کہ علاقے میں پچھلے کئی مہینوں سے پینے کے پانی کی قلت ہے جس کے سبب مقامی آبادی کو دریائے جہلم کا پانی استعمال میں لانا پڑتا ہے۔
بارہمولہ: پانی کی شدید قلت، عوام کا احتجاج
لوگوں کا کہنا ہے کہ آلودہ پانی پینے کی وجہ سے علاقے کے لوگ کئی مرتبہ بیماری کا شکار ہوئے ہیں۔
احتجاجیوں کا مزید کہنا تھا کہ انہوں نے محکمہ جل شکتی اور ضلع انتظامیہ کو اس جانب آگاہ کیا تاہم اس کے باوجود مسئلہ کا ازالہ ابھی تک نہیں کیا گیا۔ جس کے نتیجے میں علاقے کی کثیر آبادی پینے کے صاف پانی کے لئے ترس رہی ہے۔
انہوں نے محکمہ جل شکتی اور ضلع انتظامیہ سے علاقے میں صاف پانی کی دستیابی کو یقینی بنانے کا مطالبہ کیا ہے۔
