عوام اور پولیس کے درمیان بہتر تال میل مستحکم رکھنے کے لیے ہندوارہ پولیس نے ویلگام میں ایک پبلک دربار کا انعقاد کیا۔ پی سی پی جی میٹنگ ایس پی ہندوارہ سندیپ گپتا کی صدارت میں منعقد ہوئی۔ اس موقع پر ایس ڈی پی او ہندواڑہ فارض احمد اور ایس ایچ او ویلگام افتخار حسین بھی موجود رہے۔
میٹنگ میں ویلگام کے سینکڑوں معزز شہریوں، ٹریڈریس فیڈریشن ویلگام تارت پورہ کے ممبران، بی ڈی سی چیئرپرسن، سرپنچ، پنچ و دیگر لوگوں کی ایک خاصی تعداد نے شرکت کی۔
یہ بھی پڑھیں:کپوارہ: اوور ہیڈ واٹر ٹینک برسوں سے تشنہ تکمیل
اس دوران ویلگام کے لوگوں نے دربار میں اپنے علاقے کے مسائل سے پولیس کو آگاہ کیا اور ایس پی نے انہیں یقین دلایا کہ ان لوگوں کے جو بھی مسائل ہوں وہ حل ہوں گے۔ انہوں نے لوگوں سے کہا کہ ان لوگوں کے جو بھی مسائل ہیں انہیں انتظامیہ کی نوٹس میں لائیں تاکہ ان مسائل کا جلد ازالہ ہوسکے۔
