نیشنل یوتھ کارپس کے اراکین کا مطالبہ ہے کہ ان کی ماہانہ اجرت میں اضافہ کیا جائے. واضح رہے کہ انہیں سنہ 2010 سے محض پچیس سو روپے کی اجرت ملتی ہے جس سے آج کے زمانے میں گزارا کرنا بے حد مشکل ہے۔
اس کے علاوہ این وائی سی کے صدر احتشام بٹ نے مطالبہ کیا ہے کہ ان کو بھی نئی جاب ریگولرائزیشن پالیسی کے زمرے میں لایا جائے۔ ان کا کہنا ہے کہ کورونا سے جاری جنگ میں این وائی سی کے اہلکار اپنی خدمات انجام دے رہے ہیں، جس کے باعث ان کے دو اراکین کورونا سے متاثر ہوگئے ہیں۔
انہوں نے کہا ہے کہ یونین ٹیریٹری بننے کے فورا بعد گورنر انتظامیہ نے اس حوالے سے ایک کمیٹی تشکیل دی تھی جس کے ایجنڈے میں این وائی سی کے مسائل بھی تھے۔ تاہم آج تک کوئی میٹنگ نہ ہونے کے باعث ان کے مطالبات کو سنا نہیں گیا ہے۔