شمالی کشمیر کے ضلع بانڈی پورہ کے مرکنڈل گاؤں میں لوگوں کو بجلی کی مسلسل کٹوتی Power Outage in Bandipora سے پریشانی کا سامنا کرنا پڑ رہا ہے۔
مقامی لوگوں کا کہنا ہے کہ مذکورہ علاقے میں بجلی کا ٹرانسفارمر مسلسل خرابFaulty Transformer in Bandipora ہورہا ہے،جس کی وجہ سے علاقے کے لوگ گپ اندھیرے میں زندگی گزارنے نے مجبور ہیں۔
انہوں نے کہا کہ محکمہ جوں ہی انہیں ٹرانسفارمر ٹھیک کرکے دیتا ہے تو ایک روز بعد ہی وہ دوبارہ خراب ہوجاتا ہے جس کے سبب انہیں پھر سے مشکلات کا سامنا کرنا پڑ رہا ہے۔
مقامی لوگوں نے بتایا کہ انہیں بار بار بجلی کی سہولت سے محروم ہونا پڑرہا ہے۔ علاقے ایک شخص نے ای ٹی وی بھارت سے بات کرتے ہوئے کہا کہ وہ بجلی فیس وقت پر ادا کرتے ہیں، لیکن پھر بھی محکمہ ان کے ساتھ سوتیلی ماں کا سلوک کررہا ہے۔
مزید پڑھیں:Protest Against PDD: ’بجلی بل کی ادائیگی کے باوجود بجلی سے محروم رکھا جا رہا ہے‘
ان کے مطابق جو بجلی ٹرانسفارمر وہاں نصب ہے وہ آبادی اور لوڈ کے حساب سے مناسب و معقول نہیں ہے جس کی وجہ سے بار بار خراب ہورہا ہے ،
انہوں نے مطالبہ کیا کہ اس مسئلے کا مستقل حل نکالا جائے تاکہ انہیں مزید مشکلات سے دوچار نہ ہونا پڑے۔
