بانڈی پورہ میں جل شکتی ابھیان کے تحت ریلی

ملکی سطح پر چلائی جا رہی ’’جل شکتی ابھیان‘‘ مہم کے تحت شمالی ضلع بانڈی پورہ میں پانی کے تحفظ اور اس سے متعلق عوامی بیداری کے تحت ضلع کے نوپورہ چوک سے شیر کشمیر اسٹیڈیم تک ایک ریلی کا اہتمام کیا گیا۔

نمائندے کے مطابق ریلی میں مختلف اسکولوں سے آئے ہوئے طلبہ و طالبات اور محکمہ تعلیم سے وابستہ افسران نے شرکت کی۔

ریلی میں شامل اسکولی بچوں نے ہاتھوں میں پلے کارڈ اٹھا رکھے تھے جن پر ’’پانی بچاؤ‘‘ کے نعرے درج تھے۔

یہ ریلی ضلع انتظامیہ اور ڈسٹرکٹ لیگل سروسز اتھارٹی بانڈی پورہ کے باہمی اشتراک سے منعقد کی گئی۔

تقریب کے دوران مقررین نے پانی کے صحیح استعمال، اور اس قدرتی تحفے کے زیاں سے بچنے پر زور دیا۔

دریں اثناء تقریب میں محکمہ پی ایچ ای کے ملازمین و افسران (جو جل شکتی ابھیان پروگرام کے منتظمین تھے) تقریب میں غیر حاضر رہے۔