ضلع بانڈی پورہ میں مختلف محکمۂ جات سے وابستہ ملازمین کا احتجاج

شمالی کشمیر کے ضلع بانڈی پورہ میں مختلف محکمۂ جات سے وابستہ ملازمین نے خاموش احتجاج کرتے ہوئے ’’اولڈ پنشن اسکیم‘‘ کو از سرِ نو لاگو کیے جانے کا مطالبہ کیا۔

’’نیو پنشن اسکیم‘‘ (این پی اے) کے زمرے میں آنے والے سرکاری ملازمین نے شمالی کشمیر کے بانڈی پورہ ضلع خاموش احتجاج کیا۔ ملازمین کا کہنا تھا کہ ’’اس اسکیم کے تحت قریب تین دہائیوں تک کام کرنے کے بعد ملازمین سبکدوش ہوکر بڑھاپے میں کسمپرسی کی زندگی گزارنے پر مجبور ہوجائیں گے۔‘‘

قابل ذکر ہے کہ سنہ 2010 کے بعد سے مختلف محکمۂ جات میں بھرتی ہونے والے افراد کو نیو پینشن اسکیم کے دائرے میں لایا گیا جس سے ملازمت سے سبکدوش ہونے کے بعد وہ کسی بھی قسم کی ماہوار پنشن کے حقدار نہیں ہوں گے۔

احتجاج کررہے سرکاری ملازمین نے ایل جی انتظامیہ سے انہیں ’’اولڈ پینشن اسکیم‘‘ کے زمرے میں لائے جانے کا مطالبہ کیا۔