شمالی کشمیر کے ضلع بانڈی پورہ کے گونچھی پورہ سوناواری میں آج ایجیک اور ٹیچرس فورم کے ایک وفد نے دورہ کیا۔ اس دوران وہ علاقے میں فوت ہوئے ایک استاد کے گھر گئے اور ان کے اہل خانہ کے ساتھ ملاقات کی۔ اس وفد میں ایجیک کے صدر اور جموں و کشمیر ٹیچرز فورم کے چیئرمین بھی شامل تھے۔ ان کے ہمراہ چیف ایجوکیشن آفیسر بانڈی پورہ اور زونل ایجوکیشن آفیسر سمبل بھی اس دورے میں شامل تھے۔
اس موقع پر خطاب کرتے ہوئے چیئرمین ٹیچرز فورم محمد رفیق نے سوگوار خاندان سے دلی تعزیت اور ہمدردی کا اظہار کیا اور کہا کہ ان کے خیالات اور دعائیں اس خاندان کے ساتھ ہیں، جنہیں ناقابل تلافی نقصان پہنچا ہے۔ انہوں نے کہا کہ خاندان کے کسی فرد کا نقصان برداشت کرنا کبھی بھی آسان نہیں ہوتا ہے۔ انہوں نے مزید کہا 'مجھے بہت تکلیف ہوئی ہے جب مجھے بتایا گیا ہے کہ محمد امین نامی ایک استاد کا دل کا دورہ پڑنے سے انتقال ہوگیا۔ ان کے کندھوں پر بہت بڑی ذمہ داریاں تھیں'۔
یہ بھی پڑھیں:انڈی پورہ: ضلع ترقیاتی کمشنر ڈاکٹر اویس احمد نے شادی پورہ کا جائزہ لیا
انہوں نے وعدہ کیا کہ 'مرحوم استاد کے سروس سے متعلقہ تمام مسائل کا خیال رکھا جائے گا اور متوفی ٹیچر کی پنشن سے متعلقہ مسائل کو ترجیحی بنیادوں پر فوری طور پر حل کرنے کی کوشش کی جائے گی تاکہ خاندان کو مزید دقتوں کا سامنا نہ کرنا پڑے'۔
