بانڈی پورہ پولیس نے ایک پریس بیان جاری کرتے ہوئے کہا کہ پولیس کی مشترکہ کارروائی کے دوران آلوسہ علاقے سے ایک عسکریت پسند گرفتار ہوا LeT Militant Arrested in Bandipora ہے۔ پریس ریلیز کے مطابق مصدقہ اطلاع ملنے کے بعد پولیس، 26 آسام رائفلز اور تھرڈ بٹالین سی آر پی ایف کی مشترکہ ٹیم نے آلوسہ علاقے کا محاصرہ کیا۔
پولیس کے مطابق ایک مشتبہ شخص ایک باغ کی طرف بھاگنے کی کوشش کر رہا تھا، تاہم سکیورٹی فورسز نے اس کا تعاقب کرکے اسے گرفتار کیا ہے۔
گرفتار شدہ شخص کی شناخت دانش احمد شاہ ولد ثناء اللہ شاہ ساکن الاہی پورہ آلوسہ کے طور ہر ہوئی ہے، جو کہ لشکر طیبہ تنظیم سے وابستہ ہے۔ پولیس نے دانش کے قبضے سے ایک چینی ساخت پستول اور ایک ہتھ گولہ بھی برآمد کیا گیا ہے۔
پولیس بیان کے مطابق ابتدائی تحقیقات سے پتہ چلا کہ دانش پاکستانی عسکریت پسند کے لیے کام کرتا تھا اور ان کے ذریعے دانش کو ہتھیار بھی فراہم کیا جاتا تھا۔
بیان میں کہا گیا ہے کہ دانش کو لشکر طیبہ کے عسکریت پسند عاشق وار نے سنہ 2019 میں عسکریت پسند صفوں میں شامل کیا تھا۔ تاہم 2019 میں عاشق کے مارے جانے کے بعد وہ دوسرے عسکریت پسند فیاض وار کے ساتھ منسلک ہوگیا۔
پولیس بیان کے مطابق دانش اب باضابطہ ٹریننگ حاصل کرنے کے لیے پاکستان جانے کے لئے کوشاں تھا اور وہ اس کے لئے دستاویزات تیار کرنے کی کوشش کررہا تھا۔ پولیس نے اس سلسلے میں ایک کیس درج کرکے مزید تحقیقات شروع کی ہیں۔
