ضلع بانڈی پورہ میں میجر گوپی چند راٹھور کے نام سے منسوب فٹبال ٹورنامنٹ کا فائنل آج سوپور اور بانڈی پورہ کے مابین کھیلا گیا. جس میں سوپور نے بانڈی پورہ کو ایک کے مقابلے میں دو گولز سے ہرا دیا. مقابلے کے ہیرو معراج احمد رہے. جنہوں نے سوپور کی جانب سے دونوں گول اسکور کئے۔
اس دوران جی او سی کلو فورس نے کھلاڑیوں میں انعامات تقسیم کئے۔ انہوں نے کہا کہ فوج نوجوانوں کو مستقبل اور اپنا ٹیلنٹ دکھانے کے لئے پلیٹ فارم فراہم کرتی رہے گی۔
یہ بھی پڑھیے
بہار اسمبلی انتخابات کے نتائج:این ڈی اے کو واضح اکثریت
فائنل جیتنے والی ٹیم کو ٹرافی کے علاوہ پچیس ہزار روپے بھی دیے گئے. جب کہ رنر اپ ٹیم کو پندرہ ہزار روپے دئے گئے. اس موقعے پر پولیس اور آرمی کے کئ افسران کے علاوہ بریگیڈیئر پانچ سیکٹر آر ار وی کے نارنگ اور جی او سی کلو فورس ایچ ایس سہاے بھی موجود تھے. اس موقعے پر جی او سی نے کھلاڑیوں میں انعامات تقسیم کئے اور کہا کہ آرمی نوجوانوں کی بھلائی، ان کے بہتر مستقبل اور ان کو اپنے ہنر دکھانے میں پیش پیش رہے گی۔
