Demand for Action Against BJP MLA Atul Sawe: بی جے پی ایم ایل اے اتل ساوے کے خلاف کارروائی کا مطالبہ

یاست مہاراشٹر کے اورنگ آباد ضلع کلکٹر آفس کے احاطے میں ایک شخص موبائل ٹاور پر چڑھ گیا اور دو گھنٹے تک ٹاور پر بیٹھا رہا اس کا مطالبہ تھا کہ بی جے پی ایم ایل اے اتل ساوے BJP MLA Atul Sawe کے خلاف کارروائی ہونی چاہئے ایم ایل اے اتل ساوے بدعنوانی کے متعدد معاملات میں ملوث ہیں۔

اورنگ آباد کے ضلع کلکٹر آفس کے احاطے میں ایک شخص نے موبائل ٹاور پر چڑھ کر خودکشی کی دھمکی دی۔

یہ شخص دو گھنٹے تک ٹاور پر بیٹھا رہا اس دوران پولیس کمشنر نکھل گپتا کی یقین دہانی پر وہ شخص ٹاور سے اترنے کیلئے راضی ہوا۔

سامبھاجی راجے نامی یہ شخص پچھلے ایک مہینے سے کلکٹر آفس کے روبرو ہڑتال کررہا تھا۔ سامبھاجی راجے نے بی جے پی رکن اسمبلی اتل ساوے BJP MLA Atul Saweپر دھمکیاں دینے کا جھوٹا مقدمہ درج کروانے اور ڈکٹیٹر شپ کے الزامات عائد کیے سامبھاجی راجے کا کہنا ہیکہ اتل ساوے بدعنوانی کے متعدد معاملات میں ملوث ہیں اور ان کی جانچ ہونی چاہیئے۔

میڈیا سے بات چیت کے بعد پولیس نے سامبھاجی راجے کو تحویل میں لے لیا۔