ریاست مہاراشٹر میں اورنگ آباد کی ہرسول سینٹرل جیل میں کچھ دن پہلے 29 قیدی کورونا سے متاثر پائے گئے تھے جس کے بعد انتظامیہ نے ان کے رابطے میں آئے درجنوں اہلکاروں کا ٹیسٹ کرایا جن میں سے 14 اہلکاروں کی رپورٹ مثبت آئی ہے۔
ہرسول سینٹرل جیل میں مثبت پائے گئے قیدیوں کو کووڈ سینٹر بھیجا گیا تھا لیکن ان کے رابطے میں آنے کی وجہ سے14 پولیس اہلکاروں کی رپورٹ بھی مثبت آئی ہے۔
اورنگ آباد کی ہرسول سینٹرل جیل کے 29 قیدیوں کی کورونا رپورٹ چھ جون کو مثبت پائی گئی تھی جس کے بعد 14 پولیس اہلکاروں کی رپورٹ کورونا مثبت پائے جانے سے جیل انتظامیہ میں کھلبلی مچ گئی ہے۔
جیل انتظامیہ نے 9 جون کو اپنے ساٹھ پولیس افسران اور اہلکاروں کی کورونا جانچ کرائی جس میں دو افسران سمیت کُل14 پولیس اہلکار کورونا سے متاثر پائے گئے ہیں۔
مثبت پائے جانے والے اہلکاروں کو جیل انتظامیہ نے جیل کے قریب ہی قرنطینہ میں رکھا ہے جن کا علاج اورنگ آباد میونسپل کارپوریشن کے ڈاکٹرس کر رہے ہیں۔
یہ معلومات ای ٹی وی بھارت کو ہرسول سینٹرل جیل کے سپریٹنڈنٹ ہیر لال جادو نے فون پر دی۔
