مسلم نمائندہ کونسل نے مہاراشٹرکےوزیر اعلی ادھو ٹھاکرے سے کورونا وارئرز کو ایک ماہ کی اضافی تنخواہ دینے کا مطالبہ کیا۔
مسلم نمائندہ کونسل نے کووڈ-19 کے پھیلاو کو روکنے کے لیے اپنی جانوں کی پرواہ کیے بغیر دن رات عوام کی خدمت کرنے والے ایمرجنسی خدمات سے وابستہ ملازمین کی کوششوں اور اُنکی قابلِ قدر و لائق تحسین خدمات کو سراہنے کی ضرورت پر زور دیتے ہوئے انھیں بطور اعتراف خدمت ایک ماہ کی اضافی تنخواہ دینے کا مطالبہ کیا ۔
مہاراشٹرا کے وزیر اعلیٰ ادھو ٹھاکرے کو علاقائی کمشنر کے توسط سے دیئے گیے ایک لیٹر میں مذکورہ تنظیم نے وزیراعلی ادھو ٹھاکرے سے یہ مطالبہ کیا۔
لیٹر میں کہا گیا ہے کہ ایسے نازک حالات میں اپنی اور اپنے خاندان کے جانوں کی پرواہ کیے بغیر اپنی خدمات کو بروقت اور بخوبی نبھانے والے ملازمین جن کا تعلق شعبہ طب، پولس اور دیگر حفظان صحت سے تعلق رکھنے والے محکموں سے ہے، انھیں خراج تحسین پیش کیا جانا چاہیے اور انکی اس خصوصی نوعیت کی خدمات کے اعتراف میں انھیں ایک ماہ کی اضافی تنخواہ دی جانی چایئے۔
