بھارت کورونا وائرس کی وبا سے سب سے زیادہ متاثر ہونے والے ممالک میں سے ایک ہے، گزشتہ برس کے آخر میں اس وبا کی مزاحمتی ویکسین تیار کرلی گئی جس کے بعد حکومت نے اعلان کیا کہ یکم مارچ سے ملک کے بزرگوں کو کورونا کا ٹیکہ لگایا جائے گا۔
اسی ضمن میں مالیگاؤں میں بھی بزرگوں کو کورونا وائرس کا ٹیکہ لگانے کی مہم شروع کردی گئی ہے لیکن تعلق سے عوام میں کوئی جوش و خروش نہیں دیکھا جارہا ہے کیونکہ پیر کے روز صرف سات بزرگوں نے ویکسین لگوائی اور آگے کے دنوں میں بھی اسی تعداد میں لوگ ٹیکہ لگوارہے ہیں۔
فی الحال مالیگاؤں تعلقہ میں جاری کورونا وائرس ویکسین لگانے کے تعلق سے پنچایت سمیتی کے محکمہ صحت نے ہدایات جاری کی گئی ہیں۔
جس کے تحت کورونا ٹیکہ لگوانے والے بزرگوں کو ویکسینیشن سینٹر پر آتے وقت اپنے ساتھ اپنا ادھار کارڈ اور جنم داخلہ یا پھر لیونگ سرٹیفکیٹ لانا لازمی ہوگا اور انہیں ہی ویکسین لگانے کا حقدار قرار دیا جاے گا۔
واضح رہے کہ مرکزی حکومت کے جاری کردہ احکامات کے مطابق یکم مارچ سنہ 2021 سے 60 سال مکمل کرنے والے بزرگوں کو کورونا کا ٹیکہ لگایا جائے گا۔
حالانکہ کورونا ٹیکہ کے تعلق سے عوام میں بالکل بھی جوش و خروش نہیں دیکھا جارہا ہے اور اس تعلق سے شہر میں کوئی بات چیت بھی ہوتی نظر نہیں آرہی ہے۔
علاوہ ازیں میونسپل کارپوریشن بھی اس معاملے میں کوئی خاص دلچسپی لیتا نظر نہیں آرہا ہے۔
