مرکز کے زیر انتظام خطہ جموں و کشمیر کے ضلع پلوامہ میں واقع کرشی وگیان بھون کیندرملنگپورہ میں عالمی یوم مٹی World Soil Day کے موقع پر ایک تقریب کا انعقاد کیا گیا-
اس تقریب میں مقامی کسانوں کی خاضی تعدادا جمع تھی۔ کسانوں سے خطاب کرتے ہوئے سائنسدانوں نے مٹی کے تحفظ اور اس کی اہمیت Importance Of Soil Preservation پر روشنی ڈالی ۔اور اس دن کے منانے کی وجہ بیان کی۔
اس موقع پر کرشی وگیان کیندر ملنگپورہ کے ڈائریکٹر ایکسٹینشن پروفیسر دل ایم مخدومی نے مہمان خصوصی کے طورپر شرکت کی۔ان کے علاوہ اس پروگرام میں پروفیسر نصرت سمیت کئی سائنسدانوں نے شرکت کی۔اس موقع پر کسانوں کے درمیان مٹی کے ہیلتھ کارڈ بھی تقسیم کیے گئے۔
سائنسدانوں نے کسانوں پر زور دیا گیا کہ وہ مٹی کو آلودہ ہونے سے بچا کر اچھے اور معیاری فصل حاصل کر سکتے ہیں۔
سائنسدانوں نے مزید کہا کہ مٹی خراب ہونے کے سبب زمین بنجر ہوجاتی ہے ۔اور پیداوار پر بھی اثر پڑتا ہے۔
واضح رہے کہ ہر سال 5 دسمبر کو عالمی یوم مٹی منایا جاتا ہے۔ تاکہ زمین پر زندگی کی بقا کے لیے مٹی کی اہمیت کے بارے میں لوگوں کو بیدار کیا جا سکے۔ مٹی کا معیار گرتا جا رہا ہے جس کی وجہ سے ماحولیاتی مسائل پیدا ہورہے ہیں۔
ارشاد احمد نام کے کسان نے کہا کہ زمین کی زرخیز سے متعلق جو تربیت آج دی گئی ہے وہ وقت کی ضرورت ہے۔
اس موقع پر ڈائریکٹر ایکسٹینشن کرشی وگیان کیندر ملنگپورہ پروفیسر دل ایم مخدومی نے بات کرتے ہوئے۔
کہا کہ اس دن کے منانے کا مقصد مٹی کو نمکین بنانے سے روکنا، مٹی کی پیداواری صلاحیت کو بڑھانا اور مٹی کے انتظام میں درپیش چیلنجوں کے بارے میں بیداری پیدا کرنا ہے۔ یہ مہم مٹی کی صحت کو بہتر بنانے کے لیے چلائی جاتی ہے۔
