اننت ناگ: سینئر سیاسی و سماجی کارکن عمران امین شاہ نے یوکرین صورتحال Russia Ukraine War پر تشویش کا اظہار کرتے ہوئے وہاں سے جموں کشمیر و ملک کے دیگر طلبہ کے بحفاظت واپسی پر مرکزی حکومت کا شکریہ ادا کیا۔
ان کے مطابق جنگ سے کسی بھی ملک کے حالات سازگار نہیں ہوتے، بلکہ جنگ سے تباہی کے سوا کچھ حاصل نہیں ہوتا War Brings Nothing But Destruction۔
عمران شاہ نے امید ظاہر کی کہ باقی ماندہ طلبہ و دیگر افراد کی واپسی کو ممکن بنانے کے لیے حکومت مزید ٹھوس اقدامات اٹھائے گی۔
عمران شاہ نے مزید کہا کہ جس طرح سے مرکزی حکومت نے پہلے ہی ایک ہیلپ لائن کو عمل میں لا کر نہ صرف کشمیری عوام کو بلکہ ملک کے ان تمام لوگوں کو راحت پہنچائی جن کے اعزا و اقربا یوکرین میں تھے۔
مزید پڑھیں: Russia Ukraine Conflict: یوکرین میں گولی لگنے سے بھارتی طالب علم زخمی
انہوں نے ایسے اقدامات کے لیے مرکزی حکومت کا شکریہ ادا کیا۔ عمران شاہ نے دھونی چک اننت ناگ میں منعقدہ ایک سیاسی جلسہ میں شرکت کی۔
انہوں نے ایل جی انتظامیہ سے وادی میں بڑھتی بے روزگاری پر قابو پانے کےلیے اقدامات اٹھانے کی بھی تلقین کی۔
