جموں و کشمیر پیپلز کانفرنس کے سینئر رہنما سجاد غنی لون اور عمران رضا انصاری نے اننت ناگ میں عسکریت پسندوں کے حملے میں بی جے پی سے وابستہ سرپنچ اور ان کی اہلیہ کی ہلاکت پر سخت الفاظ میں مذمت کی ہے۔ پیپلز کانفرنس کی جانب سے جاری ایک مذمتی بیان میں کہا گیا کہ بی جے پی کے سرپنچ غلام رسول ڈار اور اس کی اہلیہ پر ہوئے حملے کی شدید مذمت کرتے ہیں۔"
پیپلز کانفرنس کے صدر سجاد غنی لون نے اپنے بیان میں کہا ہے کہ آج ایک بار پھر ایک کشمیری کنبہ تشدد کا شکار ہوگیا، کئی بچے یتیم ہوگئے۔
انہوں نے مزید کہا ہے کہ وہ اس حملے کی سخت مذمت کرتے ہیں۔ دریں اثناء پی سی کے جنرل سیکرٹری عمران انصاری نے بھی اس واقعے کی شدید مذمت کی ہے۔
مزید پڑھیں: جماعت اسلامی سے منسلک ارکان پر چھاپے، محبوبہ مفتی کا مرکز پر نشانہ
انہوں نے کہا کہ "اننت ناگ میں سرپنچ غلام رسول اور ان کی اہلیہ کے بہیمانہ قتل کی مذمت کرتے ہیں۔ سیاسی کارکنوں اور رہنماؤں کو ان کی سیاسی وابستگی کے لیے قتل کرنا انسانی حقوق کی بدترین خلاف ورزی ہے۔ اس طرح کے قتل صرف کشمیریوں کے دکھوں میں اضافہ کرتے ہیں"۔
