جنوبی ضلع اننت ناگ کے کانڈیوارہ میں بجلی کا ترسیلی نظام کافی زیادہ خستہ حالی کا شکار Electricity Problems in Kandiwara ہے۔ جس کی وجہ سے مقامی لوگوں کو کافی زیادہ مشکلات کا سامنا کرنا پڑ رہا ہے۔
کانڈیوارہ علاقے کے لوگوں کا کہنا ہے کہ علاقے میں بجلی کا ترسیلی نظام کافی بوسیدہ ہو چکا ہے، جبکہ بیشتر مقامات پر بجلی کی ترسیلی لائنیں مختلف درختوں کے ساتھ لٹکی ہوئی ہیں جس کی وجہ سے کسی بھی وقت حادثہ ہونے کا خطرہ برقرار ہے۔
علاقے کے لوگوں کہ یہ بھی شکایت ہے کہ برف باری کے موسم میں بجلی کا ترسیلی نظام بہتر نہ ہونے کے باعث گنجان آبادی بجلی سے کئی دنوں تک محروم ہوجاتی ہیں۔
یہ بھی پڑھیں: Dilapidated Chak Hussainabad Road: اننت ناگ کے تین علاقوں کو جوڑنے والی سڑک خستہ حال
مقامی لوگوں نے ضلع انتظامیہ سے درخواست کی ہے کہ مذکورہ علاقے میں بجلی کے نظام کو فعال بنانے کی غرض سے ٹھوس اقدامات اٹھائیں تاکہ لوگوں کی مشکلات کا ازالہ ممکن ہوسکے۔
وہیں جب ای ٹی وی بھارت کے نمائندے نے فون پر اس معاملہ کو محکمۂ بجلی کے اسسٹنٹ ایکزیکیٹیو انجینiئر فیاض احمد کی نوٹس میں لایا تو انہوں نے کہا کہ مذکورہ علاقے میں بجلی کے نظام کو درست کرنے کے لیے محکمہ کی جانب سے اسکیم چلائی جارہی ہے، جس کے تحت مذکورہ علاقے میں بجلی کی خستہ حالت کو دور کیا جائے گا۔
