جموں و کشمیر: اسپورٹس کونسل کی سکریٹری نزہت گل نے ضلع اننت ناگ کے مختلف اسپورٹس اسٹیڈیمز کا دورہ کر کے وہاں جاری کھیل کود کی سرگرمیوں کا جائزہ لیا۔ ان کے ہمراہ ایس ڈی ایم چیئرمین ظہور احمد ملک بھی تھے۔اس دوران انہوں نے ڈورو اسٹیڈیم کا بھی دورہ کیا۔ نزہت گل سے علاقہ شاہ آباد سے تعلق رکھنے والے مختلف عوامی وفود نے بھی ملاقات کی اور اپنے اپنے گاؤں میں اسٹیڈیم بنانے کا مطالبہ کیا۔ Secretary Sport Council Nuzhat Gill Visit Anantnag
اس موقع پر میڈیا سے بات کرتے ہوئے انہوں نے کہا کہ حکومت کھیل کود کو فروغ دینے کے لئے کافی اقدامات کر رہی ہے۔ ایل جی انتظامیہ کی کوشش ہے کہ ہر علاقے میں بہتر اسپورٹس اسٹیڈیم بنائے جائیں تاکہ بچے پڑھائی کے ساتھ ساتھ کھیل کود میں بھی حصہ لے سکیں۔ انہوں نے مزید کہا کہ محکمہ، دور دراز کے علاقوں میں رہائش پذیر بچوں کو کھیل کی جانب راغب کرنے کے لئے کئی طرح کے اقدامات اٹھا رہا ہے۔
