حکومت عوام کے احساسات کے برعکس کوئ قدم اٹھاتی ہے تو حکومت کا یکطرفہ فیصلہ ہوگا

جموں وکشمیرپردیش کانگریس کے صدر جی اے میر نے کہا ہے کہ جموں کشمیر کی تما م سیاسی جماعتوں نے وزیراعظم کی کل جماعتی میٹنگ میں اپنے موقف کا اظہار کیا ہے۔

جے اے میر نے کہا کہ ایسے میں اگر مرکزی حکومت یہاں کے عوام کے احساسات کے برعکس کوئ قدم اٹھاتی ہے تو وہ مرکزی سرکار کا یہ یکطرفہ فیصلہ ہوگا ۔

اننت ناگ میں پارٹی کارکنوں کے اجلاس سے خطاب کے بعد جے اے میر نے کہا کہ جموں کشمیر کی حد بندی کے حوالے سے اگر کوئ غلط فیصلہ لیا گیا تو کانگریس اس کی بھی مخالفت کرے گی ۔

اس موقع پر میر نے پارٹی کارکنوں کو تلقین کی کہ وہ پارٹی کو مستحکم کرنے کے لئے عملی طور پر سرگرم ہوں جائیں۔

سکھ لڑکی کے تبدیلی مذہب معاملہ پر تبصرہ کرتے ہوئے میر نے کہا کہ کچھ عناصر یہاں کے مذہبی بھائ چارے میں پھوٹ ڈالنے کی کوشش کر رہے ہیں ہے ۔

تاہم اس مسلے کی آزادانہ تحقیقات ہونی چاہیے تاکہ اس بھائی چارے پر کسی بھی قسم کی آنچ نہ آ سکے