آئیکونک ویک سیلبریشن کے تحت جموں وکشمیر کے پہلگام میں ہینڈی کرافٹس اور فوڈ فیسٹیول کا اہتمام کیا گیا۔ فیسٹیول کے دوران کشمیر کے روایتی پکوان اور دستکاری کے علاوہ پینٹنگ ایکزیبیشن بھی منعقد ہوئی۔ فیسٹیول کا مقصد کشمیر کی اصل پہچان دنیا کے سامنے لانا ہے۔
فوڈ اینڈ ہینڈی کرافٹس کے نام سے منسوب اس فیسٹیول کے دوران کشمیر کے روایتی پکوان جس میں پالک، ندرو، مولی، ساگ، مچھلی، مٹن وغیرہ کو ڈسپلے کیا گیا۔ وہیں کشمیر کی روایتی دستکاری اور فن کو بھی نمایاں کیا گیا۔
کشمیر میں تیار کردہ اشیائے خوردونوش اور اس کی قدرتی افادیت کو بھی اس فیسٹیول میں منظر عام پر لایا گیا۔
یہ بھی پڑھیں: گاندربل میں ہفتہ وار بلاک دیوس کا اہتمام
متعلقین کے مطابق اس طرح کے فیسٹیول کشمیر کی سیاحتی صنعت اور عالمی سطح پر کشمیر کی صحیح عکاسی کے لیے کافی کارگر ثابت ہوسکتے ہیں۔
پہلگام میں آئکانک ویک فیسٹیول کا افتتاح ایس ڈی ایم پہلگام سید نصیر نے جوائنٹ ڈائریکٹر ہینڈی کرافٹس عبدالمجید اور تحصیلدار پہلگام ڈاکٹر محمد حسین کی موجودگی میں کیا۔
