نمائندے کے مطابق یہ حادثہ اس وقت پیش آیا جب ایک ماروتی کار میں سوار پانچ افراد اپنے ایک رشتہ دار سے تعزیت کے بعد واپس گھر کی طرف جا رہے تھے، جس دوران دانتر کے مقام پر ڈرائیور اپنی گاڑی پر قابو نہیں کر پایا اور گاڑی راستے سے گزر رہی ایک ٹرک سے ٹکرائی۔
اننت ناگ سڑک حادثہ، خاتون ہلاک، 4افراد شدید زخمی
حادثے میں میاں بیوی سمیت تمام پانچ افراد زخمی ہو گئے جنہیں فوری طور پر ضلع اسپتال منتقل کیا گیا۔
زخمیوں میں سے اکنگام کی رہنے والی راشدہ نامی ایک زخمی خاتون کو ڈاکٹروں نے مردہ قرار دے دیا۔
دیگر زخمیوں میں اکنگام کے شوکت احمد، منگہال کی رہنے والی افروزہ اور نسیمہ جبکہ ویری ناگ کے غلام رسول شامل ہیں۔
اس ضمن میں پولیس نے معاملہ درج کرکے مزید کارروائی شروع کر دی ہے۔
