جنوبی کشمیر کے ضلع اننت ناگ کے نانیل علاقے میں محکمہ وائلڈ لائف کو اس وقت کامیابی حاصل ہوئی جب مذکورہ علاقے کے ایک باغ میں ایک ریچھ نمودار ہونے کے بعد اسے زندہ پکڑ لیا گیا۔
علاقے کے لوگوں نے محکمہ وائلڈ لائف وارڈن عبدل الرؤف زرگرAbdul Rouf Zargar کو فون پر علاقے میں ریچھ کے نمودار ہونے کی اطلاع دی۔علاقے کے لوگوں کے مطابق یہ ریچھ کئی دنوں سے علاقے میں نمودار ہوتا تھا۔
جیسے ہی وائلڈ لائف ٹیم جائے مقام پر پہنچی تو انہوں نے ریچھ کو ایک باغ میں پایا، جس کے بعد تجربے کار اور ماہر ملازم نے ریچھ کو بہت ہی نزدیکی سے بنا کسی نقصان کے ٹرینکیولائز کیا، اس طرح سے محکمہ کو ایک بہت بڑی کامیابی ملی ہے۔
ریچھ کو قابو کرنے کے بعد علاقے میں خوشی کی لہر دوڑ گئی، جس کے نتیجے میں مقامی لوگوں نے راحت کی سانس لی۔
مزید پڑھیں:Bear in gandarbal: گاندربل کے علاقے میں ریچھ کے دیکھنے پر دہشت
واضح رہے کہ مذکورہ ریچھ کو شام دیر گئے صحیح سلامت آورہ آڈو وائلڈ لائف سنچری منتقل کیا گیا، مقامی لوگوں نے محکمہ وائلڈ لائف کے اس کام کی کافی ستائش کی ہے۔
ادھر محکمہ نے لوگوں کو مشورہ دیا ہے کہ وہ اندھیرے میں بغیر روشنی اور اکیلے میں گھروں سے باہر نکلنے سے گریز کریں اور اگر کسی بھی جگہ کسی جنگلی جانور کی موجودگی کا پتہ چلے تو فوراً محکمہ کو مطلع کریں۔
