اونتی پوری دورے کے دوران بی جے پی لیڈران نے سید احمد بخاری کے آستانے پر چل رہے کام کاج کا جاٸزہ لیا۔ وہیں انہوں نے ضلع نائب صدر محمد شفعی کے گھر جاکر ان کے ایک رشتہ دار کی حادثاتی موت پر اہل خانہ کے ساتھ اظہار تعزیت کیا۔
اس موقع پر بی جے پی ترجمان الطاف ٹھاکر BJP Spokesperson Altaf Thakur نے میڈیا کو بتایا کہ بی جے پی ایک ایسی جماعت ہے جو لوگوں کی مفاد کے لیے کام کر رہی ہے۔
انہوں نے نیشنل کانفرنس سمیت دوسری جماعتوں پر الزام عاٸد کرتے ہوئے کہا کہ اب جب اسمبلی الیکشن کی بات سامنے آرہی ہے تو یہ تمام جماعتیں الیکشن میں حصہ لینے کے لیے بھرپور تیاریاں کر رہی ہیں کیونکہ اس الیکشن سے ان جماعتوں کو ذاتی مفاد حاصل ہو رہا ہے۔
انہوں نے کہا کہ جب پنچایت الیکشن ہوئے تھے تب ان جماعتوں نے الیکشن میں حصہ لینے سےانکار کیا تھا کیونکہ وہ سمجھتے تھے کہ پنچایت الیکشن سے ان کا ذاتی فائدہ نہیں ہوگا۔
الطاف ٹھاکر نے مزید کہا کہ 'آج یہاں حالات قدرے بہتر ہیں اور جو لوگ یہ بول رہے ہیں کہ جموں و کشمیر میں حالات ٹھیک نہیں ہیں انہیں یہاں آکر دیکھ لینا چاہے۔
