اننت ناگ: فوج کی جانب سے "سوستھ رہو اور خوش رہو" کے عنوان سے بیداری پروگرام

فوج کے 19 راشٹریہ رائفلز کی جانب سے اننت ناگ میں کورونا وبائی صورتحال سے نمٹنے کے لیے " سوستھ رہو اور خوش رہو " پروگرام کا آغاز کیا ہے۔

جموں و کشمیر کے ضلع اننت ناگ میں کورونا کی موجوده وبائی صورتحال کے دوران عام لوگوں کو بیدار کرنے اور جانکاری فراہم کرنے کے لیے فوج کی 19 راشٹریہ رائفلز نے " سوستھ رہو اور خوش رہو " پروگرام کا آغاز کیا ہے۔

اس پروگرام کے تحت 19 راشٹریہ رائفلز کے کمپنی کمانڈر میجر راہل جینگیر کی قیادت میں پالپورہ میں ایک پروگرام کا اہتمام ہوا ۔ پروگرام کا مقصد عام لوگوں میں کورونا کی موجودہ صورتحال میں تحفظ اور سینیٹائزیشن کے بارے میں بیداری و جانکاری فراہم کرنا تھا۔

اس موقع پر لوگوں میں سینٹائزر اور فیس ماسک تقسیم بھی کیے گئے اور کورونا سے متعلق قواعد و ضوابط پر سختی سے عمل پیرا ہونے کے لیے تلقین کی گئی۔ اس پروگرام میں اشاجی پورہ، مومن آباد، دیلگام،اور پالپورہ کی عوام نے شرکت کی اور فوج کی اس کاوش کو کافی سراہنا بھی ملی اور امید ظاہر کی کہ مستقبل میں بھی اسطرح کے پروگراموں کا انعقاد کیا جائے گا۔