1600 کلومیٹر کے مشکل سفر پر نکلے معذور رام سنگھ

اتر پردیش کے پریاگ راج ضلع کا رہائشی پیروں سے معذور رام سنگھ آندھرا پردیش کے راجمندری میں لاک ڈاؤن میں پھنس گئے تھے۔ رام سنگھ عطر فروخت کرکے اپنا گھر چلاتے ہیں۔ اس لاک ڈاؤن میں وہ اپنے ٹرائ سائیکل سے 1600 کلومیٹر کے مشکل سفر پر نکل چکے ہیں۔

رام سنگھ کورونا وائرس کے انفیکشن کی وجہ سے آندھرا پردیش کے راجمندری ضلع میں ملک گیر لاک ڈاؤن میں پھنس گئے۔ تمام پریشانیوں کا سامنا کرتے ہوئے رام سنگھ نے اپنے آبائی ریاست جانے کا فیصلہ کیا اور سفر پر نکل گئے۔

رام سنگھ نے اپنے گھر تک پہنچنے کے لیے سائیکل سے سفر شروع کیا ہے۔ اب تک وہ وشاکھاپٹنم پہنچ چکے ہیں۔ رام سنگھ نے تین دن پہلے اپنا سفر شروع کیا تھا۔