Salman Imtiaz Joins Congress: اے ایم یو طلبہ یونین کے سابق صدرسلمان امتیاز کانگریس میں شامل

کانگریس کی رکنیت اختیار کرنے کے بعد سلمان امتیاز Salman Imtiaz Joins Congress نے کہا کہ اگر کوئی پارٹی ملک میں بھائی چارہ لا سکتی ہے، ملک کی صحیح تصویردنیا کے سامنے پیش کر سکتی اور موجودہ مسائل کو حل کرسکتی ہے تو وہ کانگریس پارٹی ہی ہے، اسی لیے میں کانگریس میں شامل ہوا۔

ریاست اتر پردیش کے 2022 میں ہونے والے اسمبلی انتخابات کے پیش نظر مختلف سیاسی جماعتیں مسلم اکثریتی علاقوں میں مسلم چہروں کو ڈھونڈ کر مسلم ووٹ حاصل کرنے کی تیاریاں کرتی نظر آرہی ہیں۔

مسلم ووٹروں کا کہنا ہے کہ انتخابات سے قبل ہی سیاسی جماعتوں کو مسلم اور ان کے مسائل کی یاد آتے ہے لیکن کوئی بھی سیاسی جماعت مسلمانوں کی حفاظت اور مسائل کو حل نہیں کرتی۔

جہاں ایک جانب اے ایم یو طلبہ یونین کے سابق عہدے داران زیادہ تر سماج وادی پارٹی کا ہی دامن تھام کر اپنا سیاسی کریئر شروع کرتے ہیں، وہیں دوسری جانب 2019 میں اے ایم یو طلبہ یونین کے سابق صدر مشکور احمد عثمانی کے بعد کچھ روز قبل سلیمان امتیاز نے بھی کانگریس کا دامن تھام کر اپنا سیاسی کریئر شروع کر دیا۔

کانگریس میں شامل ہونے والے سلمان امتیاز Salman Imtiaz Joins Congress کا تعلق ضلع علی گڑھ کے مسلم اکثریت علاقے اوپر کوٹ سے ہے۔ سلمان امتیاز اے ایم یو شعبہ سوشل ورک کے سینئر ریسرچ فیلو (ایس آر ایس) ہیں۔ اے ایم یو طلبہ یونین کے صدر بھی رہے ہیں۔ آج ضلع علی گڑھ کانگریس دفتر میں ایک پریس کانفرنس میں کانگریس کے دیگر لیڈران نے سلمان امتیاز کا استقبال کیا۔ سلمان امتیاز نے کہا کہ کسی بھی شخص کا کسی بھی سیاسی جماعت کا دامن تھامنا اس کی ذاتی سوچ اور فیصلہ ہوتا ہے۔ میری نظر میں کانگریس پارٹی عمدہ پارٹی ہے۔ مجھے لگتا ہے کہ کانگریس پارٹی ہی موجودہ حکومت کو ہرا سکتی ہے۔ کانگریس پارٹی کے زمانے میں لوگوں کو بولنے کا حق تھا لیکن آج کل جب کوئی شخص اپنے حق کے لئے آواز بلند کرتا ہے تو اس کے خلاف مقدمہ درج کر دیا جاتا ہے۔

سلمان امتیاز نے کہا ملک میں بھائی چارہ اور ملک کے مسائل کو کانگریس ہی حل کر سکتی ہے اسی لیے میں نے کانگریس پارٹی کا دامن تھاما ہے۔

2022 کے انتخابات میں الیکشن لڑنے سے متعلق سلمان امتیاز نے کہا ہاں اگر کانگریس پارٹی مجھے کوئی بھی ذمہ داری دیتی ہے تو میں اس کی ذمہ داری کو بخوبی نبھاؤں گا میں کبھی ذمہ داریوں سے نہیں بھاگتا۔