ریاست اترپردیش کے ضلع بریلی سے تعلق رکھنے والے ریحان عالم صدیقی نے سعودی عرب کے مشرقی خطہ میں ایک کامیاب صنعتکار کے طور پر اپنی شناخت قائم کی ہے۔ وہ سعودی عرب میں ہندوستانی قونصل خانہ میں ہندوستانی لوگوں کے بہتر تعلقات کو فروغ دینے میں نمایاں کردار نبھاتے ہیں۔ وہ ثقافتی و علمی پروگراموں کا بھی اہتمام کرتے ہیں۔
اے ایم یو وائس چانسلر پروفیسر طارق منصور نے اس عطیہ کے لئے ریحان کا شکریہ ادا کرتے ہوئے کہا کہ "وہ حقیقی معنوں میں یونیورسٹی کے بہی خواہ ہیں۔ ان کے عطییہ سے میڈیکل کالج میں کووڈ بحران سے مضبوطی سے نمٹنے میں یقیناّ مدد ملے گی۔"
وائس چانسلر نے مزید کہا "ہم وبا کی روک تھام کے لیے اے ایم یو میں اپنی سطح پر بھر پور کوشش کر رہے ہیں۔ اس عطیہ سے آکسیجن سپلائی کا نظام مستحکم ہوگا۔"
اے ایم یو ٹیکنیکل اسٹاف ایسوسی ایشن کے اراکین نے بھی میڈیکل اٹینڈنس اسکیم (ایم اے ایس) کے تحت یونیورسٹی ملازمین کے علاج کی خاطر طبی آلات کی خرید اور ایم اے ایس کووڈ ڈسپنس ٹیم کو مستحکم کرنے کے لئے تین لاکھ روپے کی رقم عطیہ کی ہے۔
اس سلسلے میں فیصل رئیس (ٹی ایس اے)، عابد علی زیدی (سیکرٹری جنرل)، کامران حسین (خزن) نے وائس چانسلر پروفیسر طارق منصور اور جسٹرار عبدالحمید (ائی پی ایس) سے ملاقات کی، اس کے بعد اس رقم کا چیک یونیورسٹی حکام کو پیش کیا۔
