اے ایم یو وائس چانسلر نے کلیان سنگھ کے انتقال پر تعزیت کی

مسجد انہدام کے طور پر بھی کلیان سنگھ جانے جاتے ہیں۔ جس وقت بابری مسجد کو شہید کیا گیا تھا اس وقت ریاست اتر پردیش کے وزیر اعلیٰ کلیان سنگھ ہی تھے۔ جن کے خلاف بابری مسجد کو گرانے کی سازش کرنے کے الزام میں فردِ جرم بھی داخل ہوا تھا۔

علی گڑھ مسلم یونیورسٹی (اے ایم یو) کے وائس چانسلر پروفیسر طارق منصور نے ریاست اترپردیش کے سابق وزیراعلیٰ و راجستھان کے سابق گورنر کلیان سنگھ کے انتقال پر اپنی تعزیت پیش کی۔ وائس چانسلر نے تعزیتی پیغام میں کہا کہ ان کے کنبہ کو یہ صدمہ برداشت کرنے کی طاقت ملے۔

پروفیسر طارق منصور نے ان کے بیٹے راجویر سنگھ (لوک سبھا رکن) سے بھی تعزیت کی اور ان سے ہمدردی ظاہر کی۔

کلیان سنگھ ریاست اتر پردیش کے بی جے پی کی جانب سے دو مرتبہ وزیر اعلیٰ رہ چکے ہیں، کلیان سنگھ کا ایک طویل سیاسی تجربہ رہا ہے۔ بابری مسجد انہدام کے طور پر بھی کلیان سنگھ جانے جاتے ہیں۔ جس وقت بابری مسجد کو شہید کیا گیا تھا اس وقت ریاست اتر پردیش کے وزیر اعلیٰ کلیان سنگھ ہی تھے۔ جن کے خلاف بابری مسجد کو گرانے کی سازش کرنے کے الزام میں فردِ جرم بھی داخل ہوا تھا۔

ریاست اترپردیش کے سابق وزیر اعلیٰ و راجستھان کے سابق گورنر کلیان سنگھ کا لکھنؤ کے پی جی آئی اسپتال میں گزشتہ شب انتقال ہوگیا تھا۔

کلیان سنگھ کی پیدائش 5 جنوری 1932 کو ریاست اترپردیش کے ضلع علی گڑھ کے ایک موضع میں ہوئی تھی جو تقریباً ایک برس ہے بیمار تھے۔ جنہوں نے اپنی آخری سانس گزشتہ شب لکھنؤ کے پی جی آئی اسپتال میں لی۔
اطلاع کے مطابق کلیان سنگھ کی لاش کی آج آخری رسومات ادا کی جائے گی۔