نیشنل میڈیکل کمیشن نے علی گڑھ مسلم یونیورسٹی Aligarh Muslim University کے جواہر لال نہرو میڈیکل کالج میں تعلیمی سال 2021-22 سے ایم سی ایچ پروگرام کی دو سیٹوں کی منظوری دی ہے. اس سلسلے میں این ایم سی کے میڈیکل اسسمنٹ اینڈ ریڈنگ بورڈ Medical Assessment and Reading Board نے مکتوب جاری کر دیا ہے۔
نیشنل میڈیکل کمیشن National Medical Commission کے میڈیکل اسسٹینٹ اینڈ ریڈنگ بورڈ نے معائنہ کاروں کی رپورٹ پر غور کیا اور جواہر لال نہرو میڈیکل کالج میں دستیاب تدریسی وسائل و سہولیات کے بارے میں پی جی ایکسپرٹ گروپ کی سفارشات کو تسلیم کرتے ہوئے نیورو سرجری میں دو ایم سی ایچ سیٹوں کی منظوری دی۔
نیوروسرجری شعبہ، جے این ایم سی کا تیسرا شعبہ ہے جس میں سپر اسپیشلٹی پروگرام کی منظوری دی گئی ہے. اس سے قبل شعبہ پلاسٹک سرجری اور شعبہ کارڈیالوجی کو بھی ایم سی ایچ پروگرام شروع کرنے کی منظوری دی جا چکی ہے۔
علی گڑھ مسلم یونیورسٹی کے وائس چانسلر پروفیسر طارق منصور Vice Chancellor of Aligarh Muslim University Professer Tariq Mansoor جنہوں نے اس سے قبل نیورو سرجری میں اسپیشل ٹیسٹوں کی منظوری کے معاملے کی پیروی کی تھی، نے اس فیصلے پر اطمینان کا اظہار کرتے ہوئے کہا "ہم جواہر لال نہرو میڈیکل کالج میں اعلی ترین سہولیات فراہم کرنے کے لیے پرعزم ہیں۔ ایم سی ایچ Neurosurgery کی منظوری سے مریضوں کے لئے سپر اسپیشلٹی خدمات مزید بہتر ہوں گی۔"
پروفیسر منصور نے کہا "ہم نے نیوروسرجری میں این سی ایچ پروگرام کے لیے مطلوبہ سبھی شرائط ومعیارات کو پورا کیا ہے۔ معائنہ ٹیموں کے کئی دوروں نے ہماری تجویز کو منظوری دے دی ہے. یہ اس خطہ کی طبی خدمات کو مستحکم کرنے میں مدد گار ہوگا۔"
مزید پڑھیں:
- Dharma Sansad At Dasna Temple Postponed: ڈاسنہ مندر میں مجوزہ دھرم سنسد ملتوی
- Jamia Student wins Medal in National Para Badminton Championship: جامعہ کے طالب علم نے یونیورسٹی کا نام روشن کیا
پروفیسر منصور نے کہا "ہمیں میڈیکل اسسٹنٹ اینڈ ریٹنگ بورڈ کی طرف سے منظوری کا مکتوب موصول ہوا ہے اور تعلیمی سال 2021-22 سے کورس شروع کرنے کی دیگر رسمی کاروائی جلد ہی مکمل کرلی جائے گی۔
