ریاست اترپردیش کے ضلع علی گڑھ میں مزید 56 کورونا معاملے درج کئے گئے جو اب تک کی ایک دن میں سب سے زیادہ مثبت رپورٹ ہیں، جس کے ساتھ ہی کورونا کی کل تعداد 1193 پر پہنچ گئی ہیں، جس میں 26 اموات اور تقریبا 71 فیصد متاثرین صحتیاب ہو چکے ہیں۔
گزشتہ شب میں ایک سالہ بچے سمیت کل 56 لوگوں کی رپورٹ اے ایم یو کے جواہر لعل نہرو میڈیکل کالج اور پرائیویٹ لیب سے مثبت آئی۔
لوگوں نے احتیاطی تدابیر چھوڑ دی ہے جس کے سبب کورونا وائرس میں مسلسل اضافہ ہو رہا ہے۔ انلاک کی وجہ سے بازاروں میں خاصی بھیڑ دیکھی جا رہی ہے اور سماجی دوری کا بھی خیال نہیں رکھا جا رہا ہے۔
علی گڑھ ڈی ایم چند بھوشن سنگھ نے ایک بار پھر عوام سے اپیل کی ہے کہ وہ اپنے گھروں میں محفوظ رہیں، ضرورت پر ہی گھر سے باہر نکلے۔
