علی گڑھ مسلم یونیورسٹی میں شہریت ترمیمی بل کے خلاف گزشتہ شب تقریبا دس ہزار طلبا نے احتجاج کیا تھا۔ احتجاج کے بعد یونیورسٹی طلبا رہنماؤں نے ایک کمیٹی بنا کر یہ فیصلہ کیا کہ گیارہ تاریخ کو یونیورسٹی کے تمام طلبا بھوک ہڑتال پر رہیں گے۔
بتایا جا رہا ہے کہ اب یونیورسٹی طلبہ دھرنا لگائیں گے۔ لیکن ابھی فیصلہ نہیں لیا گیا ہے کہ دھرنا کہاں اور کب لگائیں گے۔
یونیورسٹی طلبہ یونین کے سابق لیڈران اور جے این یو سے بھی کچھ طلبا علی گڑھ مسلم یونیورسٹی کے احتجاج میں شامل ہوں گے۔
گزشتہ شب میں احتجاج کے بعد علیگڑھ انتظامیہ نے یونیورسٹی سرکل پر خاصی تعداد میں فورسز کو تعینات کیا ہے جس میں یہ آر اے ایف کے جوان بھی شامل ہیں۔
علیگڑھ ایس پی ابھیشیک نے بتایا کل شام تقریبا ساڑھے چھ بجے اے ایم یو کے طلبہ نے احتجاج کیا تھا شہریت ترمیمی بل کے خلاف احتجاج کے دوران مرکزی حکومت کے خلاف نعرے بازی بھی کی تھی، اس احتجاج کی یونیورسٹی طلبہ نے اجازت بھی نہیں لی تھی۔ جو دفعہ 144 کی صاف خلاف ورزی ہے اس لیے 500 نامعلوم افراد کے خلاف مقدمہ درج کیا گیا ہے لیکن ابھی تک کسی کی بھی گرفتاری نہیں کی گئی ہے۔
