ریاست راجستھان کے اجمیر نیشنل ہائی وے روڈ پر چلتے ٹریلر میں آگ لگ گئی۔ جس کی وجہ سے ہائی وے پر آمد و رفت میں راہ گیروں کو دشواری پیش آرہی ہے۔
علاقہ گیگل پولیس موقع پر پہنچی اور فائر بریگیڈ کو اطلاع دی گئی اور آگ پر قابو پایا گیا۔
موصولہ اطلاعات کے مطابق اجمیر جے پور نیشنل ہائی وے کے قریب آکاش واڑی سینٹر کے نزدیک ٹریلر میں زبردست آتشزدگی ہوئی۔ بتایا جاتا ہے کہ شاپور سے مال خالی کرکے بیاور کی جانب جارہے ٹریلر کیےکیبن میں شارٹ سرکٹ سے آگ لگ گئی۔
ڈرائیور نے ٹریلر کو ہائی وے کے کنارے پر کھڑا کردیا اور خود کے ساتھ دوسروں کی جان بچالیا۔ کچھ ہی لمحوں میں دیکھتے ہی دیکھتے ٹریلر آگ کی زد میں آ گیا موقع پر فائبر بریگیڈ نے پہنچ کر آگ پر قابو پایا۔ اس میں کسی کی جان کا نقصان نہیں ہوا۔
ہائی وے کے سڑک کنارے ڈرائیور کے ذریعے جلتے ٹریلر کو کھڑا کردینا بہت سمجھداری تھی جس کی وجہ سے کوئی بڑا حادثہ پیش نہیں آیا۔
