مرکزی حکومت کے ذریعے شہریت ترمیمی قانون نا فذ کیے جانے کے خلاف ملک بھر میں احتجاج کئے جا رہے ہیں۔
اسی کے پیش نظر اجمیر شریف کی تمام مسجدوں میں کالا لباس اور کالی پٹی پہن کر مسلم سماج کے لوگ نماز ادا کر کے حکومت کے خلاف اپنااحتجاج درج کرا رہے ہیں۔
ایک جانب جہاں ملک بھر کے لوگ سڑکوں پر اتر کر مودی حکومت کے خلاف زبردست احتجاج کر رہے ہیں، تو وہیں اب این آر سی اور سی اے اے کے خلاف اجمیر شریف میں بھی مسلم سماج کے لوگوں نے جمعہ کی نماز کالی پٹی پہن کر اور اپنے اپنے گھروں پر کالے جھنڈے لگا کر این آر سی اور سی اے اے کا خلاف غصے کا اظہار درج کیا۔
حضرت خواجہ معین الدین چشتی درگاہ کی جامع مسجد اور شہر بھر کی مسجدوں میں نمازیو ں نے اللہ کی بارگاہ میں ظالم حکمرانوں سے نجات کی دعامانگی۔
تمام ائمہ مساجدنے مقتدیوں کو این آر سی اور سی اے اے کہ نقصانات سے آگاہ کرایا اور حکومت کے اس قانون کے خلاف احتجاج برقرار رکھنے کا اعلان بھی کیا۔
مزید پڑھیں: اناؤ معاملہ: ریپ کے مجرم کلدیپ سنگھ سینگر کو عمر قید کی سزا
ملک بھر میں جہاں این آر سی کے خلاف غصہ بڑھتا ہی جا رہا ہے وہیں اجمیر شریف میں بھی احتجاج اور مظاہرہ شروع ہوگیے ہیں۔ مقامی لوگوں کے مطابق آئندہ جمعہ کی نماز کے بعد ایک وسیع احتجاجی ریلی کا انعقاد بھی کیا جا سکتا ہے۔
