ریاست گجرات کے شہر احمدآباد میں موجود امت مانوتا ویلفیئر اینڈ چیریٹیبل ہمیشہ سے خون عطیہ کیمپ کا انعقاد کرتی ہے اسی ضمن میں آج احمدآباد میں کورونا گائیڈ پر عمل کرتے ہوئے ایک خون عطیہ کیمپ کا اہتمام کیا گیا۔
اس تعلق سے امت مانوتا ویلفیئر اینڈ چیریٹیبل ٹرسٹ کے ٹرسٹی توفیق منصوری نے کہاکہ' قومی یکجہتی کو فروغ دینے کے لیے ہم نے آج عید میلاد النبیﷺ اور دسہرہ کی مناسبت سے خون عطیہ کیمپ کا انعقاد کیا جس میں لوگوں نے بڑھ چڑھ کر حصہ لیا۔
اس تعلق سے یہاں موجود سول ہاسپٹل بلڈ بینک کی ڈاکٹر گریما ٹھاکر نے کہا کہ آج کورونا وائرس کے بحران کے بیچ خون کی اشد ضرورت ہے یہ خون ہم ہر ضرورت مند مریضوں تک پہنچائیں گے، تاکہ اس کی زندگی بچ سکے۔
امت مانوتا ویلفر اینڈ چیریٹیبل ٹرسٹ کی اس پہل سے ہم کافی خوش ہیں۔
کورونا کے ایکٹیو کیسز میں کمی
واضح رہے کہ کورونا وائرس کے پیش نظر اس بلڈ ڈونیشن کیمپ میں پوری طرح سے حکومت کی گائیڈ پر عمل کیا گیا اور بڑی تعداد میں اس موقع پر لوگوں نے خون عطیہ کر خوشی کا اظہار کیا۔
اس بلڈ ڈونیشن کیمپ میں حصہ لینے والوں نے کہاکہ' خون کا عطیہ سے ثواب حاصل ہوتا اوراب جب عید میلادالنبی آنے والی ہے اس وقت ہم نے اپنا خون عطیہ دیا ہے تو ہمیں اور بھی زیادہ خوشی ہو رہی ہے۔ ہمارا خون کسی کے کام میں آئے یہ ہمارے لیے فخر کی بات ہے۔
