احمدآباد کا سرخیز روزہ اجتماعی افطار اور اعتکاف کے لیے بند؟

احمدآباد کا سرخیز روزہ ایک ایسا تاریخی ورثہ ہے جہاں ہمیشہ سے ہی بڑی تعداد میں نمازیوں کا ہجوم رہتا ہے۔

رمضان المبارک کے موقعے پر دور دراز علاقے سے روزے دار یہاں افطار کرنے پہنچتے ہیں۔ رمضان المبارک کے آخری عشرے میں یہاں عتکاف کا بھی اہتمام کیا جاتاہے۔ تاہم عالمی وبا کورونا وائرس کے پھیلاؤ اور سماجی دوری کا خیال رکھتے ہوئے انتظامیہ نے باہری لوگوں کے لیے امسال افطار اور اعتکاف کا اہتمام نہ کرنے کا فیصلہ کیا ہے۔

اس ضمن میں سرخیز روزہ کمیٹی کے صدر ابرار علی سید نے ایک ویڈیو پیغام جاری کیا ہے جس میں انہوں نے مسلمانوں سے رمضان المبارک کے موقعے پر گھروں میں رہ کر عبادت کرنے کی اپیل کی ہے۔

انہوں نے کہا کہ' امسال سرخیز روزہ کی جامع مسجد روزے داروں اور معتکف کے لیے بند رہی گی، بلکہ چند لوگ ہی یہاں نماز، تراویح اور عتکاف کریں گے'۔