ریاست گجرات میں محکمہ موسمیات نے پیش گوئی کی ہے کہ آئندہ 10 اکتوبر سے اس برس کا مانسون رخصت ہو جائے گا۔
رواں برس مانسون تھوڑا تاخیر سے شروع ہوا تھا اور ختم بھی تاخیر کے ساتھ ہو رہا ہے، اس مرتبہ ملک بھر میں زیادہ بارش درج کی گئی ہے۔
آپ کو بتادیں کہ اس برس محکمہ موسمیات کی پیشن گوئی سے کہیں زیادہ بارش ہوئی،جس سے بہار میں سیلاب کی صورتحال پیدا ہوگئی۔
گجرات میں اس برس 41 فیصد زیادہ بارش درج کی گئی،ریاست میں بارش کا پانی اتنا جمع ہوگیا ہے کہ اس کا استعمال آئندہ دوبرسوں تک کیا جاسکتا ہے۔
عام طور پر مانسون کی روانگی یکم ستمبر سے شروع ہوتی ہے، لیکن اس بار کا مانسون کافی طویل رہا، یعنی کہ مانسون 40 دن تاخیر سے ملک سے روانہ ہورہا ہے۔
واضح رہے کہ گجرات میں اب تک 41 فیصد بارش ہوئی ہے۔ سب سے زیادہ بارش سوراشٹر اور جنوبی گجرات میں درج کی گئی، جس کے سبب سوراشٹر میں زراعت کو کافی نقصان پہنچا ہے۔
گجرات میں 29 ستمبر سے نوراتری کا تہوار شروع ہوگیاہے ، اس دوران شدید بارش ہونے سے منتظمین مایوس ہیں، لیکن اب گجرات سے مانسون کی رخصتی سے وہ کافی خوش نظر آرہے ہیں اور بازاروں میں رونقیں بھی دیکھنے کو مل رہی ہیں۔
