شدید بارش کے سبب احمدآباد کے سابر متی ندی پر موجود وانسنا برج کے 22، 23 اور 24 نمبر کے دروازوں کو تین فٹ تک کھولنا پڑا جس کی وجہ سے سابر متی ندی میں پانی کی سطح میں اضافہ ہو گیا۔
واضح رہے کہ بارش کا سسٹم سرگرم ہونے کی وجہ سے گجرات میں آئندہ 5 برس تک شدید بارش ہونے کی پیشن گوئی کی گئی ہے، اس کے علاوہ گجرات میں اب تک بھاری بارش ہونے کی وجہ سے گزشتہ 24 گھنٹوں کے دوران 6 ڈیمز کو کھول دیا گیا ہے، اب تک گجرات کے 94 ڈیمز کو الرٹ پر رکھا گیا ہے ان ڈیمز میں 90 فی صد سے بھی زیادہ پانی بھر چکا ہے۔
بارش کی وجہ سے گجرات کی کئی ندیوں میں سیلاب آچکا ہے اور کئی مقامات پر رابطہ بھی ٹوٹ چکا ہے، جس کی وجہ سے لوگ پریشان حال ہیں تو گجرات حکومت اور این ڈی آر ایف کی ٹیم لوگوں کو سیلاب سے بچانے کی ہر ممکن کوشش کر رہی ہے۔
