گجرات میں احمدآباد شہر کے رانیپ علاقے میں سم کارڈ کو اپگریڈ کرنے کے نام پر ساڑھے آٹھ لاکھ روپے کی آن لائن ٹھگی کا معاملہ سامنے آیا ہے۔
پولیس نے پیر کو بتایا کہ شیوکنج سوسائٹی کے رہنے والے چندر کانت یادو کی بیوی ریکھا بین (48) نے اتوار کو معاملہ درج کرایا ہے کہ ان کے موبائل فون پر نو جون کو ایک نامعلوم شخص کا فون آیا تھا۔
اس نے کہا تھا ہ آئیڈیا کمپنی سے بول رہا ہوں ،آپ کے سم کارڈ کو 3 جی سے 4 جی اپگریڈ کرانا ہو تو میسج بھیجتا ہوں، اس میں وائی لکھ دینا۔ اس کے بعد موبائل پر آئے میسج میں وائی لکھ کر انہوں نے بھیج دیا۔
تھوڑی دیر بعد فون کا نیٹ ورک چلا گیا اور 11 جون تک موبائل میں نیٹ ورک نہ آنے پر وہ شاہی باغ کسٹمر کیئر سینٹر میں گئیں۔جہاں سے انہیں بتایا گیا کہ کمپنی کی طرف سے ایسا کوئی میسج نہیں بھیجا جاتا۔
ریکھا بین کا یہ نمبر ان کے آئی سی آئی سی آئی بینک کھاتے سے بھی لنک تھا۔ انہوں نے بینک کھاتے کی جانچ کی تب انہیں پتہ چلا ان کے کھاتے سے 2,71,424 روپے اور پری اپرووڈ لون کے 5,79,557 روپے دونوں ملاکر کل 8,50,017 روپے نامعلوم شخص نے کسی دیگر بینک کھاتے میں ٹرانسفر کروا دئے تھے۔
ریکھا بین گاندھی نگر میں گجرات پنچایت پسدنگی بورڈ میں سکریٹری کے عہدے پر تعینات ہیں۔
