پولیس نے بتایا کہ لینبڈی سب جیل میں قیدیوں کی جانچ کرنے پر 38 قیدیوں اور ایک کانسٹبل کی رپورٹ مثبت آئی ہے، قیدی کو جیل میں ہی کورنٹین کرکے علاج کیا جارہا ہے جبکہ کانسٹبل کو ہوم کورنٹین کیا گیا ہے۔
واضح رہے کہ احمد آباد ریلوے اسٹیشن پر راجدھانی ایکسپریس، گورکھپور ایکسپریس اور مظفر پور ایکسپریس سے پیر کو آئے مسافروں میں سے کل 33 مسافروں کی رپورٹ مثبت آئی تھی۔
ریاست میں کل شام تک گزشتہ 24 گھنٹوں میں کورونا کے 1330 معاملے سامنے آئے جس سے متاثرین کی کل تعداد 105671 ہوگئی ہے۔
گجرات میں 16،482 فعال معاملے ہیں اور 3120 افراد ہلاک ہوگئے ہیں اور 85،907 افراد بھی اس بیماری سے بازیاب ہوئے ہیں۔
متاثرین کی تعداد 42 لاکھ سے زیادہ ہونے کے بعد اس وبا سے متاثرہ ممالک کی فہرست میں بھارت ،امریکہ کے بعد دوسرے نمبر پر ہے ۔
امریکہ میں متاثرہ افراد کی تعداد ابھی 63 لاکھ سے زیادہ ہوگئی ہے جب کہ برازیل تیسرے نمبر پر ہے اور یہاں متاثرین کی تعداد 41.48 لاکھ ہے۔
مرکزی وزارت صحت اور خاندانی بہبود کی جاری کردہ اعداد و شمار کے مطابق ، ملک میں گذشتہ 24 گھنٹے کے دوران اس انفیکشن سے نجات پانے والوں کی تعداد بڑھ کر 33،23،951 ہوگئی ہے۔
کورونا انفیکشن کے 75،809 نئے کیسوں کے ساتھ ، متاثرہ افراد کی تعداد 42،80،423 ہوگئی۔