نئی دہلی: امریکی ڈالر کے مقابلے بھارتی کرنسی روپے کی قدر میں تاریخی گراوٹ درج کی گئی ہے، جو اب تک کی سب سے کم ترین سطح ہے۔ امریکی ڈالر کے مقابلے روپے 83.08 تک پہنچ گیا ہے۔ یہ اب تک کی کم ترین سطح ہے۔ Rupee plunges to new all time low
اس سے قبل 16 اکتوبر کو مرکزی وزیر خزانہ نرملا سیتا رمن نے کہا تھا کہ روپے کمزور نہیں ہورہا ہے بلکہ امریکی ڈالر مضبوط ہورہا ہے۔ انہوں نے کہا تھا کہ روپے دیگر ابھرتی ہوئی مارکیٹ کی کرنسیوں کو پیچھے چھوڑ دیا ہے۔ وزیر کا یہ تبصرہ روپے 82.69 کی اب تک کی کم ترین سطح پر گرنے کے بعد آیا تھا۔
واضح رہے کہ گذشتہ روز کاروبار کے اختتام تک روپے کی قدر میں 61 پیسہ کمی واقعہ ہوئی تھی اور یہ 83.01 پر آگئی تھی۔ معاشی تجزیہ کاروں کا کہنا ہے کہ روپے کی قدر گرنے سے مہنگائی میں مزید اضافہ ہوگا۔ اشیائے ضروریہ پہلے ہی عوام کی دسترس سے باہر ہے اور مہنگائی آر بی آئی کے ہدف سے اوپر ہے۔ گذشتہ روزے بھارتی کرنسی 82.30 پر کھلنے کے بعد ڈالر کے مقابلے میں 83 روپے میں بند ہوا جو کم ترین سطح ہے۔
مزید پڑھیں:
