نئی دہلی: وزیراعظم نریندر مودی نے کہا ہے کہ بھارت کے ڈیری شعبے میں خواتین اہم رول نبھال رہی ہیں اور وہ اِس شعبے میں پیش پیش ہیں، خواتین اس شعبے میں کام کرنے والی 70 فیصد افراد کی نمائندگی کرتی ہیں۔ گریٹر نوئیڈا میں بین الاقوامی ڈیری فیڈریشن IDF کی عالمی ڈیری سربراہ کانفرنس کے افتتاحی تقریب سے خطاب کرتے ہوئے وزیراعظم نے ڈیری شعبے میں خواتین کی طاقت کو اجاگر کیا۔ انہوں نے کہا کہ ڈیرے شعبے کی قدر وقیمت ساڑھے آٹھ لاکھ کروڑ روپے سے زیادہ ہے، جو گیہوں اور چاول کی مشترکہ قدر سے کہیں زیادہ ہے اور یہ بھارت کی خاتون طاقت کی وجہ سے ممکن ہوپایا ہے۔' PM Modi says India is biggest producer of milk and it is because of small farmers
وزیراعظم نے کہا ہے کہ ملک ڈیری مویشیوں کا سب سے بڑا Database تیار کررہا ہے اور ڈیری شعبے سے وابستہ ہر مویشی کو ٹیگ کیا جارہا ہے۔
انہوں نے کہا کہ بھارت دنیا میں ڈیری مصنوعات تیار کرنے والا سب سے بڑا ملک بن گیا ہے اور یہ چھوٹے پیمانے کے ڈیری کسانوں کی اجتماعی کوششوں کی وجہ سے ممکن ہوسکا ہے۔ انہوں نے کہا کہ سال 2014 میں ملک میں دودھ کی پیداوار 14 کروڑ 60 لاکھ ٹن تھی اور اب یہ بڑھ کر 210 ملین ٹن تک پہنچ گئی ہے، جو تقریباً 44 فیصد اضافے کو ظاہر کرتی ہے۔
وزیراعظم نے کہا کہ ڈیری شعبے کی صلاحیت سے نہ صرف دیہی معیشت کو تقویت ملتی ہے، بلکہ یہ دنیا بھر کے کروڑوں لوگوں کی روزی روٹی کا ایک بڑا وسیلہ بھی ہے۔ مودی نے اس بات کو اُجاگر کیا کہ حکومت ایک متوازن ڈیری نظام تیار کرنے پر توجہ مرکوز کررہی ہے۔
مزید پڑھیں:
