نئی دہلی: وزیر اعظم نریندر مودی نے ہفتہ کو کہا کہ حالیہ برسوں میں توانائی کے شعبے میں پچھلی کئی دہائیوں سے موجود خامیوں کو دور کیا گیا اور آزادی کے اس 'امرت کال' میں ملک نے اگلے دور کا ہدف مقرر کیا ہے اور اس سمت میں کام شروع کر دیا ہے۔ وزیر اعظم مودی نے آج وشاکھاپٹنم میں 'روشن بھارت-روشن مستقبل-توانائی-2047' کا آغاز کیا Ujjwal Bharat Ujjwal Bhavishya – Power @2047۔
ورچوئل میڈیم کے ذریعے پروگرام سے خطاب کرتے ہوئے انہوں نے کہا کہ آزادی کے 70 برس بعد بھی ملک کے 18 ہزار سے زائد دیہات بجلی کی سہولت سے محروم تھے لیکن حالیہ برسوں میں ملک کے ہر گاؤں میں لوگ بجلی حاصل کرنے میں کامیاب ہوئے ہیں۔ جی ہاں، اس سمت میں کام ہو رہا ہے۔ PM Modi Launches Green Energy Projects
انہوں نے کہا کہ آج کے دور میں بجلی کے بغیر زندگی کا تصور نہیں کیا جا سکتا۔ یہ اطمینان کی بات ہے کہ گذشتہ چند برسوں میں ہم نے توانائی کے شعبے میں پچھلی کئی دہائیوں کے خلا کو پُر کیا ہے۔ وزیر اعظم نے کہا کہ آج کا پروگرام 21ویں صدی کے نئے بھارت کے ویژن کے مطابق مقاصد اور کامیابیوں کی علامت ہے۔ انہوں نے کہا کہ آئندہ 25 برسوں میں توانائی کا شعبہ ملکی ترقی کو نئی جہت دینے میں اہم کردار ادا کرے گا۔
وزر اعظم مودی نے کہا کہ لداخ میں گرین ہائیڈروجن موبیلٹی پروجیکٹ اور گجرات میں گرین ہائیڈروجن-قدرتی گیس بلینڈنگ پروجیکٹ شروع کیا جا رہا ہے۔ لداخ میں تعمیر کیا جانے والا پلانٹ گرین ہائیڈروجن پیدا کرے گا اور یہ ملک کا پہلا پروجیکٹ ہو گا جو سبز ہائیڈروجن پر مبنی نقل و حمل کے تجارتی استعمال کو قابل بنائے گا۔
مزید پڑھیں:
یو این آئی
