پٹرول اور ڈیزل کی قیمتیں 33ویں دن بھی مستحکم

فرانس اور برطانیہ سمیت دیگر یوروپی ممالک میں عالمی وبا کورونا وائرس کی دوسری لہر کے درمیان بین الاقوامی بازار میں خام تیل کی قیمتوں میں نرمی سے گھریلو مارکیٹ میں پٹرول اور ڈیزل کی قیمتوں میں پیر کو مسلسل 33 ویں دن کوئی اضافہ نہیں ہوا۔

یوروپ میں کورونا وائرس کی دوسری لہر کے ساتھ اب بہت سے ممالک نے لاک ڈاؤن کا اعلان کیا ہے۔ فرانس کے بعد برطانوی وزیر اعظم بورس جانسن نے انگلینڈ میں لاک ڈاؤن کا اعلان کیا ہے۔ لاک ڈاؤن 5 نومبر سے شروع ہوگا اور 2 دسمبر تک چار ہفتوں تک چلے گا۔ اس سے ایندھن کی کھپت متاثر ہوگی۔

گھریلو مارکیٹ میں ڈیزل کی قیمت میں آخری بار2 اکتوبر کو کٹوتی کی گئی تھی جبکہ پٹرول کی قیمت گذشتہ 43 روز سے مستحکم ہے۔ پٹرول کی قیمت میں آخری بار 22 ستمبر کو 7 سے 8 پیسے فی لیٹر کمی کی گئی تھی۔

تاہم بین الاقوامی مارکیٹ میں خام تیل کی قیمتیں بہت زیادہ نہیں ہیں۔ امریکہ میں تیل اسٹوریج اور مانگ پر تشویش کے باعث خام تیل کی قیمتوں میں گراوٹ برقرار ہے۔

وہیں کورونا وائرس کے بڑھتے ہوئے کیسز سے بھی مانگ میں کمی ہے ۔ کورونا وائرس کی دوسری لہر کی وجہ سے امریکہ اور یوروپ میں مانگ کے بارے میں تشویش پائی جاتی ہے۔

تیل کی مارکیٹنگ کرنے والی انڈین آئل کے مطابق دہلی میں آج پٹرول 81.06 روپے جبکہ ڈیزل 70.46 روپے فی لیٹر پر مستحکم ہے۔

ممبئی میں پٹرول 87.74 روپےا ور ڈیزل 76.86 روپے، کولکتہ میں پٹرول 82.59 روپےاور ڈیزل 73.99 روپے اور چنئی میں پٹرول 84.14 روپے فی لیٹر اور ڈیزل 75.95 روپے فی لیٹر فروخت ہورہا ہے ۔

آئی او سی ایل سے موصولہ اطلاعات کے مطابق آج ملک کے چار بڑے میٹرو میں پٹرول اور ڈیزل کی قیمت مندرجہ ذیل ہے

• سٹی ڈیزل پٹرول

1. دہلی: 70.46 81.06
2. ممبئی: 76.86 87.74
3. کولکاتہ: 73.99 82.59
4. چنئی: 75.95 84.14