ایندھنوں کی قیمتیں چار دن مستحکم رہنے کے بعد منگل کے روز پیٹرول 22 پیسے اور ڈیزل 23 پیسے فی لیٹر سستا ہوا تھا۔ منگل کے روز دہلی میں پیٹرول فی لیٹر 22 پیسے کم ہو کر 90.56 روپے فی لیٹر اور ڈیزل بھی 23 پیسے کم ہو کر 80.87 روپے فی لیٹر ہو گیا۔ آئل مارکیٹنگ کی کمپنی انڈین آئل کارپوریشن کے مطابق جمعرات کے روز پیٹرول اور ڈیزل کی قیمتوں میں کوئی تبدیلی نہیں کی گئی ہے۔
بین الاقوامی مارکٹ میں خام تیل کی قیمتوں میں آج نرمی دیکھی گئی ہے۔ امریکہ میں تیل کے ذخائر میں اضافہ ہونے اور سوئز نہر میں پھنسے جہاز کے نکلنے سے تیل کی قیمتوں میں نرمی آئی ہے۔ لندن برینٹ کروڈ 64 ڈالر فی بیرل سے نیچے آگیا ہے۔ ملک کے چار بڑے شہروں میں پیٹرول اور ڈیزل کی قیمتیں حسب ذیل ہیں:
شہر پیٹرول ڈیزل
دہلی 90.56 80.87
ممبئی 96.98 87.96
چنئی 92.58 85.88
کولکاتا 90.77 83.75
یو این آئی
