بھارت نے بدھ کے روز عالمی بینک کے ساتھ 400 ملین ڈالر مالیت کے معاہدے پر دستخط کیے جس کے تحت کورونا وائرس کے بحران سے دوچار غریبوں اور کمزور لوگوں کی مدد کی جاسکتی ہے۔
یہ دو پروگراموں کی سیریز کا دوسرا آپریشن ہے کیونکہ مئی 2020 میں 750 ملین ڈالر کا پہلا معاہدہ منظور کیا گیا تھا۔ ورلڈ بینک کے مراعات یافتہ بین الاقوامی ترقیاتی ادارہ (آئی ڈی اے) کے ذریعہ 400 ملین ڈالر کا قرضہ بڑھایا گیا ہے۔
- معاشرتی تحفظ:
عہدیداروں کے مطابق اس پروگرام سے بھارت میں ریاستی اور قومی حکومت کو تقویت ملے گی جس سے کورونا وبائی امراض سے پیدا ہونے والے جھٹکوں سے غریبوں اور کمزوروں کو مربوط اور مناسب معاشرتی تحفظ فراہم کیا جاسکے۔
محکمہ اقتصادی امور کے ایڈیشنل سکریٹری ڈاکٹر سی ایس مہاپترا نے بتایا کہ عالمی وبا کورونا وائرس (کووڈ۔19) کے بحران نے مہاجروں اور شہری غریبوں کو درپیش خطرات اور حکومتوں کو اس نوعیت کی آئندہ آفات کے لیے تیاری کو مستحکم کرنے کی ضرورت پر زور دیا ہے'۔
'اس پروگرام سے ملک کے شہری اور دیہی علاقوں میں ان کمزور گروہوں کی مدد کرکے بھارت کے معاشرتی تحفظ کے نظام کو مزید وسیع اور گہرا کرنے میں مدد ملے گی'۔
اس معاہدے پر حکومت ہند کی جانب سے ڈاکٹر مہپترا اور ورلڈ بینک کی جانب سے بھارت کے قائم مقام کنٹری ڈائریکٹر سمیلا گیلانی نے دستخط کیے۔
وزارت خزانہ نے کہا کہ 'اس عمل کی حمایت میں عالمی بینک کے ذریعہ ہنگامی امداد کے لئے پہلے سے موجود پروگراموں کی حکومت کی طرف سے پہلا آپریشن کیا گیا۔ یہ دوسرا آپریشن بھارت کے حفاظتی نیٹ پروگراموں میں توسیع کی تکمیل کرے گا تاکہ ایک پورٹیبل سماجی تحفظ کا پلیٹ فارم بنایا جا سکے جس سے خوراک کو یقینی بنایا جاسکے'۔
یہ پروگرام ایشین ڈویلپمنٹ بینک (اے ڈی بی) ، ایجنسی فرانسیسی ڈی ڈویلپمنٹ (اے ایف ڈی) اور کریڈٹینسٹالٹ فر ویدروفباؤ (کے ایف ڈبلیو) کے اشتراک سے تیار کیا گیا تھا۔
