دارالحکومت دہلی سمیت پورے ملک میں ان دنوں سبزیوں کی قیمت آسمان چھو رہی ہے۔ پہلے پیاز کی قیمتوں میں اضافہ تھا لیکن اسی کے ساتھ ہری سبزیاں بھی عام لوگوں کی پلیٹ سے غائب ہوتی جارہی ہیں۔
پیاز اب بھی 100 سے 130 روپے فی کلو فروخت ہو رہی ہے، وہیں سب سے سستا فروخت ہونے والا گوبھی بھی 60 روپے فی کلوفروخت ہو رہی ہے۔
دہلی میں مہنگائی اتنی زیادہ ہے کہ پیاز اور ہری سبزیوں کے بازار تو لگتے ہیں لیکن اسے کوئی خریدار نہیں ملتا۔
مشرقی دہلی کے شکر پور کے علاقے میں پیاز کے تھوک تاجروں نے بتایا کہ اس سے پہلے روزانہ ایک سے ڈیڑھ کوئنٹل پیاز فروخت ہوتا تھالیکن بڑھتی قیمتوں کی وجہ سے روزانہ 30 سے 40 کلو پیاز ہی فروخت ہو رہی ہے۔
خریدار پیاز کی قیمت معلوم تو کرتے ہیں لیکن قیمت سن کر وہ چلے جاتے ہیں۔
پیاز بیچنے والے دکاندار کا کہنا ہے کہ پیاز کی قیمت پچھلے کچھ دنوں سے مسلسل 100 روپے سے اوپر ہے۔ جس کا اثر کاروبار پر بھی پڑ رہا ہے۔ پہلے بڑے خریدار روزانہ 5 سے 10 کلو پیاز خریدتے تھے۔ وہیں وہ اب ایک سے دو کلو پیاز ہی خرید رہے ہیں۔
سبزی منڈی میں سبزی خریدنے والے ایک خریدار نے بتایا کہ وہ پیاز کی قیمت میں اضافے کی وجہ سے پیاز نہیں خرید رہے ہیں۔ ان کا کہنا ہے کہ پیاز بہت مہنگا ہے۔ جس کی وجہ سے وہ دوسری سبزیوں کی مدد سے کام چلا رہے ہیں۔
اگر بات ہری سبزیوں کی کریں تو پیاز کے ساتھ ساتھ ہری سبزیوں کی قیمتیں آسمان چھو رہی ہیں۔ ان دنوں بازار میں سب سے سستا گوبھی ہے جو 45 سے 50 روپے فی کلو فروخت ہو رہی ہے۔ سبز مٹر کی پھلیاں سمیت تمام سبزیوں کی قیمتیں 70 سے 80 روپے فی کلو گرام ہیں۔ سبز سبزیوں کے فروخت کنندہ کا کہنا ہے کہ اچانک ان سبزیوں کی قیمتوں میں اضافہ ہو گیا ہے۔ جس کی وجہ سے خریدار ان کو تھوڑی مقدار میں خرید رہے ہیں۔
